Actividade 33: A Biosfera.

 

Actividade 33: A Biosfera.

1. Define biosfera. Cales son os seus límites?

 A biosfera é toda a área gasosa, sólida e líquida da superficie terrestre que ocupan os seres vivos. Están constituídos tanto por áreas da litosfera como por áreas da hidrosfera e atmosfera onde a vida é posible.

A biosfera está formada por unha fina capa de dimensións irregulares. Xa que é un sistema que recolle as áreas do planeta onde existe a vida é máis difícil establecer límites onde comeza e remata a biosfera. Pero máis ou menos, a biosfera esténdese ata uns 10 km sobre o nivel do mar e uns 10 metros por debaixo do nivel do chan onde penetran as raíces das árbores e das plantas e existen microorganismos.

2. É díficil establecer nitidamente subsistemas dentro da Biosfera. Unha primeira clasificación pode ser a de distinguir entre zonas acuáticas e terrestres. Dentro destas últimas é común empregar a clasificación dos biomas. Que é un bioma?. Baseándote no mapa de biomas que atoparás nos apuntes indica cales son os principais biomas e que caracteriza a cada un deles.

Os biomas son os grandes ecosistemas da Terra. É unha clasificación basada fundamentalmente, no clima. Cada bioma ten unha flora caracteristica e unha fauna asociada a ela.  

Os 8 biomas terrestres principais do mundo son: 

Tundra: É o bioma terrestre con vexetación máis sinxela e menor diversidade animal. Atópase só no hemisferio norte, na rexión polar ártica.

O clima do bioma da tundra correspóndese con climas polares; temperaturas superiores a 0ºC duran de 6 a 10 semanas ao ano, mentres que o chan permanece baixo permafrost durante gran parte do ano.

Taiga: É un bosque perenne do hemisferio norte de árbores con follas de agulla, dominado por coníferas. Abarca rexións de climas fríos continentales e subárticos dos continentes euroasiático e norteamericano.

Bosque templado: É o bioma terrestre dos climas temperados continentais, onde predominan as árbores de follas finas e anchas que caen no inverno. Neste momento, as árbores entran nun período de inactividade que as protexe do vento e das baixas temperaturas.

Matogueira mediterránea: O bioma de bosque mediterráneo e matogueira dáse en zonas de clima seco e cálido no verán e clima húmido e frío no inverno, como ocorre na rexión mediterránea. Este bioma está limitado entre os 30 e os 40 graos de latitude en ambos os hemisferios.

Praderas: Este bioma está asociado con climas continentais semiáridos en latitudes medias. As herbas e herbas perennes son a vexetación predominante, xa que están adaptadas ás temperaturas estacionais e á cantidade de precipitacións anuais.

Sabana: A sabana tropical desenvólvese en climas tropicais con estacións secas e húmidas distinguibles. A precipitación total anual sitúase entre os 760 e os 1270 mm de choiva, onde cinco meses ao ano reciben menos de 125 litros por metro cadrado.

Selva: É o bioma terrestre máis complexo e diverso do planeta. Atópase na zona ecuatorial entre 10 graos norte e 10 graos sur, onde se dan as condicións climáticas idóneas para o crecemento da vexetación. Durante todo o ano as temperaturas son cálidas e a humidade é constante.

Deserto: O bioma do deserto caracterízase por unha flora e unha fauna adaptadas a vivir en condicións áridas. As precipitacións ascenden a menos de 250 litros por metro cadrado ao longo do ano. Hai desertos fríos e desertos quentes, dependendo da situación xeográfica e das temperaturas.

 

3. Que é un ecosistema?

O ecosistema é o nivel de organización máis grande e complexo. Nela, a comunidade biolóxica interactúa co ambiente abiótico para formar un sistema equilibrado. Definimos ecosistema como ese conxunto de factores bióticos e abióticos dunha determinada área que interactúan entre si